ஏனோ புரியவிலை ??????

பொங்கலுக்காக  பைக்கில் ஊருக்கு  சென்று கொண்டு இருந்தேன் , ஊருக்கு அருகாமையில் வந்த போது  அதற்கு சற்று முன்பே  விபத்தொன்று நடந்திருந்தது , சாலையின் நடுவில் ஒருவர் அடிபட்டு இறந்து  கிடப்பது தெரிந்தது, அருகில் அவர் மீது மோதிய பஸ்சும் சற்று தூரத்தில் அவர் வந்த பைக் முற்றிலும் சிதைந்த நிலையிலும் கிடந்தது,

விபத்திற்கு கரணம் பேருந்தின்  வேகம் என்பதை விபத்தை நேரில் பார்த்த பலரின் பேச்சில் தெரிந்து கொள்ள முடிந்தது,,,,, அடிபட்டு இறந்தவருக்கு 35 வயது இருக்கும், அவர் கொண்டு வந்த பையும் துணிகளும், பொருட்களும் ரோடெங்கும் சிதறி இருந்தது, அவைகளை பார்க்கையிலேயே  தெரிந்தது அவரும் விடுமுறையை கொண்டாட எங்கோ சென்று கொண்டு இருந்தது.......நான் வீடு வந்து சேர்ந்த பின்பும் அவரின் முறிந்திருந்த கையும் காலும், பாதி சிதைந்த முகமும் திரும்ப திரும்ப மனதில் தோன்றியவண்ணம் இருந்தது, பஸ் டிரைவர்  வேகம் தவிர்த்து இருந்தால் ஒரு  உயிரிழப்பை  தவிர்த்திருக்கலாம் ,  ஆனால் விசேஷ நாளில் அதிக ட்ரிப் அடிக்கலாம் என்ற அவரின் எண்ணம் ஒருவரை பலி வாங்கிவிட்டது, அந்த ஓட்டுனர் மட்டும் அல்ல அவரைப் போல் பலரும் விசேஷ காலங்களில் மிக வேகமாக வண்டிகளை இயக்குவதை பார்த்திருக்கிறேன், எதற்காக  இந்த வேகம்?  எத்தனையோ விபத்துக்களை பார்த்தபின்பும் வேகத்தை தொடர்வதை சரியென்று எப்படி கொள்வது ? என் வேலைக்காக நான் எப்போதும் பைக்கிலேயே சுற்றுபவன்,  ஒவ்வொருமுறை   பைக் ஓட்டும்  போதும் பயத்தோடே ஓட்டவேண்டியுள்ளது , வேகமாக செல்ல பயந்து அல்ல எவர் வேகத்திற்கோ நான் பலியாகிவிட கூடாது என பயந்து,


ஆனால்  பிறர் நலனில் அக்கறை இன்றி  தன் வேகத்திற்கு பிறரை பலிகொடுக்கும் குணம் பரவலாகவே உள்ளது.... ஆழமாய் பார்த்தால் இது வெறும் வாகனம் ஓட்டுபவர்களுக்கு மட்டுமே உரிய  குணம் அல்ல, இதுவே நம்மில் பெரும்பாலோரின் பொதுவான   அடையாளமாக உள்ளது .... தன் சுகத்திற்கு பிறர்நலனை காவு கேட்கும் குணம்,


ரோட்டில் நடக்கும் போதும், பஸ்சில் செல்லும் போதும்  எச்சை துப்புவது,

 போது   இடத்தில சிகரெட் பிடிப்பது,

குறுகலான சாலையில் வேகமாய் வண்டியில் பறப்பது, பொதுக்கழிப்பிடத்தில் பான்பராக் எச்சையை துப்புவது,  பொது சொத்துக்களை சுத்தமாக உபயோகிக்க விரும்பாததும்,

வண்டியில் சைலேன்செரை   பிடுங்கி விட்டு  பறப்பது,
பதற வைக்கும் ஹாரன் வைப்பது,
செல்போன் பேசியபடி வண்டி ஓட்டுவது,

தான் வீட்டு குப்பையை அடுத்த வீட்டு வாசலில் குமிப்பது,
 நடு ரோட்டில் திடிரென்று வண்டியை நிறுத்தி ஆட்களை ஏற்றி இறக்குவது அடுத்தவருக்கு முறைப்படி  வருவதை குறுக்கே புகுந்து தனதாக்கி கொள்வது,

freeleft என தெரிந்தும் அடுத்தவருக்கு இடம் தராமல் வண்டியை நிறுத்தி கொள்வது

தன்னை விளம்பரப்படுத்த  தகுதி இல்லாதவர்களை தலைவன் என்பது,

அயோக்கியன் என தெரிந்தும் ஆண்டவன் என் புகழாரம் சூட்டுவது,]
தான் விரும்பிய விதமாய் பிறர் இல்லையெனில் அவர்களை அழிக்க முயல்வது,  மற்றும் இன்னும் பல,  என இந்த குணத்திற்கு உதாரணம் நிறைய உண்டு,  இதன் உச்சமே கொலை, கொள்ளை, கற்பழிப்பு, லஞ்சம் ஊழல், தீவிரவாதம் என்றால் அதை மறுக்க முடியாது.  
உணவிற்காக ஒரு உயிரை கொள்வதை புரிந்து கொள்ள முடிகிறது, ஆனால் தனது அலட்சியத்திற்கு இன்னொருவரை கொல்வதைதான் புரிந்து கொள்ள முடியவில்லை,
நான் பட்டியல் இட்டது மட்டும் அல்ல இது போல இன்னும் பலவற்றை தெரிந்தோ தெரியாமலோ ஒவொருவரும் செய்து கொண்டுதான் இருக்கிறோம்,

இத்தனை ஒழுங்கீனங்களை நம்மிடையே வைத்திருக்கும் பொது நம்மை ஒழுக்கமானவர்கள் என்று கூறிக்கொள்வது எப்படி? அல்லது
இவை எதுவும் ஒழுக்கம் என்பதில அடங்காதா ?

ஒழுக்கம் என்பதை வெறும் குறிசார்ந்த கோட்பாடாக மட்டும் எண்ணுபவர்களின் மனோநிலை ஏனோப்புரியவில்லை?????????????